„Ég er það sáttur að það erfitt að halda aftur af brosinu hérna í þessu viðtali. Gífurlega sterk þrjú stig. Það er alltaf erfitt að sækja þrjú stig á KR vellinum." Segir Arnþór Ari eftir 2-1 sigur á KR í kvöld.
Lestu um leikinn: KR 1 - 2 HK
„Mér fannst þetta sanngjarnt. Þeir eru með gífurlega gott lið og við þurftum að standa af okkur smá áhlaup. Við nýttum færin vel en áttum að gera út um leikinn og nýta liðsstyrkinn"
Eftir erfiða byrjun hafa HK nú unnið tvo leiki í röð, eitthvað sem mjög fáir áttu von á.
„Við höfum meiri trú á þessu. í fyrstu leikjunum var eins og við værum að spila með reipi um mittið. Núna ætlum við bara fram á völlinn og gefa meira í þetta en áður án þess að hafa áhyggjur. Við erum að sýna að við erum með gott lið.
HK-ingar eru að koma sparkspekingum á óvart sem höfðu afskrifað þá, eru þeir mögulega að koma sjálfum sér á óvart?
„Við erum alls ekki að koma okkur á óvart. Við erum með flottan og reynslumikinn hóp sem er vanmetið. Ofan á það eru ungir leikmenn að koma sterkir inn, eins og Maggi (Magnús Arnar Pétursson), Tumi (Þorvarsson) og Kristján Snær (Frostason). Þetta er sterkur hópur og þetta kemur mér ekki neitt á óvart"
„Næsti leikur er Valur heima og við sækjum til sigurs þar."
Viðtalið er í heild sinni hér að ofan.
Athugasemdir
