Sóknarmaðurinn, Katrín Ásbjörnsdóttir eignaðist dreng 7. maí á þessu ári og hefur því ekkert leikið með Stjörnunni í Pepsi Max-deildinni í sumar.
Hún segist ekki stefna á að leika í Pepsi-Max deildinni í sumar. Í samtali við Fótbolta.net sagðist hún ætla taka stöðuna í haust varðandi framhaldið.
Hún segist ekki stefna á að leika í Pepsi-Max deildinni í sumar. Í samtali við Fótbolta.net sagðist hún ætla taka stöðuna í haust varðandi framhaldið.
Katrín hefur leikið með Stjörnunni síðustu þrjú sumur en hún skoraði til að mynda sex mörk í Pepsi-deildinni síðasta sumar í 13 leikjum. Árið þar áður skoraði hún 13 mörk í 18 leikjum og sumarið 2016 skoraði hún níu mörk í 12 leikjum.
Þá hefur Katrín einnig leikið með Þór/KA og KR þar sem hún er uppalin.
Hún segist búast við því að koma til baka á knattspyrnuvöllinn fyrir næsta tímabil og haldi öllu opnu varðandi það hvar hún verður.
Katrín á að baki 19 landsleiki og hefur skorað í þeim eitt mark.
Athugasemdir