Þýskaland í dag - Dortmund getur endurheimt toppsætið

Leipzig hefur verið að vinna afar sannfærandi sigra upp á síðkastið en það er talsvert meira undir hjá gestunum úr Wolfsburg sem gætu misst Evrópudeildarsæti sitt með tapi eða jafntefli.

Á sama tíma fær fallbaráttulið Stuttgart sterkt lið Bayer Leverkusen í heimsókn sem er búið að tapa þremur leikjum í röð og dragast þremur stigum afturúr í Evrópudeildarbaráttunni.

Aron Jóhannsson og félagar í Werder Bremen mæta Freiburg á meðan botnlið Hannover tekur á móti Borussia Mönchengladbach.

Hannover er svo gott sem fallið og siglir Freiburg lygnan sjó en Bremen og Gladbach eru í bullandi Evrópubaráttu eins og er hægt að sjá á stöðutöflunni hér fyrir neðan.

Borussia Dortmund tekur á móti Mainz í síðasta leik dagsins og getur endurheimt toppsætið af FC Bayern, eftir 4-0 tap á Allianz Arena um síðustu helgi.

Leikir dagsins:
13:30 RB Leipzig - Wolfsburg (SportTV 3)
13:30 Stuttgart - Leverkusen
13:30 Werder Bremen - Freiburg
13:30 Hannover - Borussia M.
16:30 Dortmund - Mainz (SportTV 3)