Fótbolti.net

„Ég þurfti að fylgja hjartanu og það leitaði heim"

Ekki stoppistöð Víkinga - „Ætlum að skrifa söguna ennþá meira"

Sölvi: Hjartað sem þeir sýndu allan leikinn og slökktu aldrei á sér

Matti Villa: Þurfum að kalla hann 'scoring machine' og hann mun elska það

Davíð Atla um fyrsta Evrópumarkið: Fáránlegt þegar ég heyri þig segja þetta

Sverrir Ingi: Vissi þetta fyrirfram því ég þekki íslensku geðveikina og hugarfarið

Helgi Guðjóns eftir sögulegan sigur: Ætlaði ekki að trúa þessu

Sjáðu myndbandið sem Víkingar horfðu á í klefanum

Ekki alveg partur af handriti Hauks - „Töldum þetta best fyrir minn feril"

Formaðurinn spenntur: Risastór stund í íslenskum íþróttum

Björn Bjartmarz bjartsýnn: Besta ráðning félagsins

Danijel Djuric: Hann er með öðruvísi DNA

Sölvi daginn fyrir leikinn stóra: Þurfum á hlaupurum að halda

Anton Logi: Ég vildi bara fara burt og koma heim

Ari segir Víking ráða: Ég er ekkert ódýr

„Þetta er það eina sem við höfum hugsað um“

„Innst inni held ég að allir hafi skilning fyrir þessu“

Tími kominn til að taka skrefið - „Hitti hann á göngugötunni á Tenerife"

„Pældi bara í því sem var á borðinu og Víkingur var númer eitt"

Ánægður með Þungavigtarbikarinn: Öðruvísi að hafa æfingaleikina sem mót

fös 13. október 2023 22:02

Sæbjörn Þór Þórbergsson Steinke

Gylfi tók vel eftir látunum: Hef aldrei fengið svona móttökur

Mynd: Fótbolti.net - Haukur Gunnarsson

Gylfi Þór Sigurðsson lék í kvöld sinn fyrsta landsleik í tæp þrjú ár. Hann kom inn á í seinni hálfleik gegn Lúxemborg í undankeppni EM. Gylfi ræddi við Fótbolta.net og mbl eftir leikinn.

Lestu um leikinn: Ísland 1 - 1 Lúxemborg

„Mér fannst við byrja leikinn vel, spiluðum fínt fyrstu 30 mínúturnar, sköpuðum fullt af færum, skoruðum fyrsta markið. Markið þeirra í byrjun seinni hálfleiks brýtur upp allt, breytist leikurinn og við vorum á móti vindi í seinni hálfleik. Það var frábært að koma inn á, en gríðarlega svekkjandi úrslit," sagði Gylfi.

„Við erum með mjög flinka unga stráka sem eru góðir tæknilega, að spila vel og eru að ná vel saman fram á við. Sem lið þurfum við að verjast betur. Við megum ekki fá á okkur mörk á fyrstu fimm mínútum í seinni hálfleik; þurfum að vera mættir til leiks frá byrjun. Við eigum, miðað við yfirburðina, að klára leikinn á fyrstu 30-40 mínútunum."

Kallað var eftir því að Gylfi kæmi inn á, stuðningsmenn létu vel í sér heyra og voru mikil læti þegar Gylfi hljóp að bekknum um miðbik seinni hálfleiks. Gylfi heyrði vel í látunum.

„Já, það var erfitt að missa af því, líka í upphituninni og þegar ég var kominn inn á. Ég hef aldrei fengið svona móttökur hérna, þetta voru extra geggjaðar móttökur."

„Nei nei, mikil einbeiting á leikinn, reyna búa til eitthvað og skora sigurmarkið - við vorum að eltast við það. En móttökurnar voru yndislegar."

Gylfi tók aukaspyrnu á ákjósanlegum stað. Spyrnan fór í varnarvegginn. „Mér fannst ég hitt'ann ágætlega, gæti verið að út af mótvindinum að boltinn hefði snúist út fyrir markið. Ég hefði getað reynt að setja boltann aðeins ofar."

Hefur endurkoman í landsliðið tekið skemmri tíma en Gylfi bjóst við?

„Já, ég held það. Ef ég tel fullar æfingar með Lyngby þá eru þetta kannski 10-14 æfingar. Þetta er að gerast mjög hratt. Ég veit að það er langt í land og örugglega nokkrir mánuðir þangað til ég er kominn í toppstand."

„Ég segi alltaf 90 mínútur en veit ekki hvort að Freyr (Alexandersson þjálfari Lyngby) yrði sáttur með það. Ég veit ekki hvað Åge er að spá í með næsta leik. Það er kannski betra að byrja leik og fara síðan út af eftir 40 mínútur heldur en að koma inn á í svona kulda. Maður fær þannig almennilega upphitun og er klár frá fyrstu mínútu," sagði Gylfi.

Viðtalið í heild sinni má sjá í spilaranum efst.