Elliði og Árborg mættust á Würth-vellinum í Árbænum í úrslitaleik C-deildar í Fótbolta.net mótinu.

Jafnræði var með liðunum allt þar til á 84. mínútu þegar Pétur Óskarsson slapp einn í gegn og kom Elliða yfir.

Það var svo á 90.mínútu sem Ellíði fékk vítarspyrnu og Óskar Arnarsson fór á punktinn og skoraði og lokatölur 2-0 fyrir Elliða.

Eiríkur Raphael Elvy þjálfari Árborgar var nokkuð sáttur þrátt fyrir svekkjandi tap í kvöld.

„Já, við vorum með leikinn svona 80. mínútur og erum bara búnir að vera flottir varnarlega. Koma þarna mistök í uppspili og þeir refsa okkur fyrir það."

„Strákarnir stóðu sig frábærlega og ég er mjög ánæðgur með þá. Við erum á réttri leið því þessi klúbbur á að vera í þriðju deildinni að mínu mati."

„Vonandi náum við að byggja ofan á þetta mót. Varnarleikurinn var frábær í þessu móti og svo þurfum við bara að vinna meira með sóknarleikinn."

Eiríkur segist taka margt jákvætt út úr þessu móti sem hægt er að byggja ofan á.

„Þetta er frábært mót til að fá á þessum tímapunkti, frábærir leikir sem við erum að fá. Fyrir okkur var þetta frábært og við byggjum bara ofan á þetta og næst er það bara Lengjubikarinn og vonandi æfingaferð og eitthvað skemmtilegt."

Viðtalið í heild sinni má sjá í sjónvarpinu hér að ofan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit