„Ég er gríðarlega sáttur, náðum varla í lið . Vorum með einn fimmtán ára á bekknum, einn meiddan og einn í viðbót. Ég er hrikalega ánægður með úrslitin í dag," sagði Brynjar Skúlason, þjálfari Leiknis F., eftir jafntefli gegn ÍBV í dag.
Lestu um leikinn: ÍBV 0 - 0 Leiknir F.
Leiknir var eins og Binni segir með þrjá varamenn á bekknum. Binni gerði engar skiptingar í leiknum. Hafði hann engin tök á því?
„Nei eiginlega ekki. Þetta virkaði - gekk upp."
Leiknir jafnaði við Þrótt í 10. sætinu í deildinni, Þróttarar eru með betri markatölu og eiga leik til góða. Er Binni sáttur með stöðuna á liðinu?
„Nei. Ég get ekki sagt að ég sé ánægður, ætluðum okkur ekki að vera í botnbaráttu en við hljótum að eiga skilið að vera á þessum stað. Við erum búnir að vera okkur sjálfum verstir í sumar."
Er Binni sáttur með að hafa haldið út í dag þrátt fyrir að ÍBV hafi fengið frekar mörg færi í leiknum.
„Þeir fengu nokkur hálffæri í leiknum, eru þetta ekki bara sanngjörn úrslit," sagði Binni og glotti.
Nánar er rætt við Binna í spilaranum hér að ofan.
