Ísland vann frábæran 1-0 sigur gegn Írlandi í undankeppni EM U21 landsliða á Víkingsvelli í dag.

„Við vorum mættir til leiks í dag. Strákarnir svöruðu frábærlega og að mestu leyti var þetta nánast fullkominn leikur," segir Arnar Þór Viðarsson, þjálfari U21 landsliðsins.

Írarnir voru pirraðir í leikslok.

„Þjálfaranum leiðist ekki þegar hann sér andstæðinginn vera gjörsamlega brjálaðan. Þeir voru orðnir pirraðir. Þeir héldu að þeir væru komnir til Íslands til að rúlla yfir okkur."

Lestu um leikinn: Ísland U21 1 -  0 Írland U21

Eftir tapleikinn gegn Svíum á laugardag gagnrýndi umboðsmaðurinn Guðlaugur Tómasson opinberlega hvernig uppstilling Arnars var í leiknum. Arnar var spurður út í þá gagnrýni.

„Hefur hann mikla þjálfareynslu þessi umboðsmaður? Ég ætla ekki að skipta mér af því hvernig umboðsmenn sjá um sína leikmenn og ætla ekki að segja þeim hvernig þeir eiga að vinna vinnuna sína. Í guðanna bænum ekki vera að skipta ykkur af því hvernig ég vinn mína vinnu því ég tel mig hafa aðeins meira vit í þjálfunarfræðum en einhver umboðsmaður."

Viðtalið má sjá í heild í sjónvarpinu hér að ofan en þar tjáir Arnar sig meðal annars um möguleika leikmanna í U21-hópnum á að verða A-landsliðsmenn.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit