Þorsteinn Már Ragnarsson er nýgenginn til liðs við KR og hann kom inn á af bekknum í dag. Þorsteinn endaði á að skora eina mark leiksins og enduðu leikar því KR 1-0 Keflavík.
Lestu um leikinn: KR 1 - 0 Keflavík
„Mér líður bara ótrúlega vel, bara frábær sigur. Erfiður leikur en frábært að ná að klára þetta."
Það hefur gengið illa hjá KR að skora en Þorsteinn ætlar að reyna hjálpa þeim að finna markið á ný.
„Það er bara að halda áfram svona eins og við erum búnir að vera gera. Koma inn með einhverjum krafti og spila minn leik með því að vera með eitthvað svona power spil og bara hjálpa til þegar ég kem inn á."
Hvernig líður þér þá að vera kominn aftur í KR?
„Bara ótrúlega vel það er, það er rosalega gaman að vera kominn til baka og er bara rosalega sáttur við að vera kominn hingað."
Setur þá Þorsteinn einhverja kröfu á að vera í byrjunarliðinu eftir góða frammistöðu í dag?
„Nei ég fer ekkert fram á það en sjáum til hvað gerist næst."
Viðtalið má sjá í heild sinni í spilaranum hér fyrir ofan.
