„Þetta er bara geggjað. Ég held að það er ekki hægt að lýsa tilfinningunni nema þú hafir upplifað hana. Þetta er bara geggjað. Að lyfta bikarnum og með þetta lið og allt saman þetta er bara geggjað.“ sagði Berglind Rós Ágústsdóttir, fyrirliði Vals, eftir 2-1 sigur á Breiðablik í úrslitaleik Mjólkurbikarsins í dag.
Lestu um leikinn: Valur 2 - 1 Breiðablik
Er eitthvað sætara að vinna Breiðablik þar sem þetta eru bestu tvö lið landsins í dag?
„Þetta eru auðvitað tvö bestu liðin eins og staðan er núna. Að vinna Breiðablik er bara geggjað og að spila móti þeim, gefa áhorfendum góðan leik, er bara geggjað. En það er mjög sætt að vinna Breiðablik því þær vildu þetta jafn mikið og við. Við vildum þetta kannski aðeins meira því við unnum.“
Það var aldrei neitt stress í Berglindi í leiknum. Eina stressið var hvenær markið myndi koma.
„Mér fannst við vera með yfirhöndina í seinni hálfleik en þetta var kaflaskipt í fyrri hálfleik. Tilfinningin mín var aldrei stress að við myndum tapa heldur bara hvenær markið myndi koma. Það var smá stressandi þarna í lokin þegar þær skoruðu á okkur, bara geggjað.“
Berglind vill meina að liðsheildin og varnarleikurinn skóp þennan sigur.
„Það var liðsheildin og baráttan. Við vörðumst mjög vel fannst mér og gáfumst aldrei upp. Spilamennskan og allt, liðið var geggjað í dag.“
Hvað getur þessi sigur gefið Valsliðinu?
„Sigurinn gefur okkur aukna orku ef eitthvað. Þetta er bara bikarinn og svo er deildin annað. Við þurfum að halda okkar, það er strax leikur á þriðjudaginn þannig við þurfum að gíra okkur upp. Ef við gerum það áfram verðum við íslandsmeistarar.“
Nánar er rætt við Berglindi í spilaranum hér að ofan.
