Championship: Norwich tapaði heima

Norwich var búið að tryggja sæti sitt í ensku úrvalsdeildinni fyrir leik gegn Bournemouth á heimavelli í kvöld.

Norwich fékk þær fréttir fyrir leikinn að liðið væri komið upp í úrvalsdeildina eftir árs fjarveru.

Heimaliðið byrjaði afar vel og komst yfir með marki Emiliano Buendia á fimmtu mínútu og útlitið strax orðið bjart.

Á 17. mínútu lét Dimitris Giannoulis hins vegar reka sig af velli og Norwich manni færri þegar mikið var eftir.

Þeim gulklæddu tókst að halda út fyrri hálfleikinn en Bournemouth kom sterkt til leiks í þeim seinni og skoraði þrjú mörk.

Bournemouth vann því góðan 3-1 útisigur og fékk mikilvæg þrjú stig. Liðið er í fimmta sætinu sem er umspilssæti um laust sæti í efstu deild.