Kantmaðurinn efnilegi Jamie Bynoe-Gittens ætlar að fara til Chelsea. Hann neitar að skoða önnur samningstilboð eftir að hafa gefið munnlegt samþykki fyrir samningi hjá úrvalsdeildarfélaginu.
Chelsea er í viðræðum við Borussia Dortmund um kaup á leikmanninum en þær virðast ganga hægt. Chelsea vildi kaupa leikmanninn fyrir HM félagsliða en mistókst það.
Dortmund er sagt hafa hafnað 42 milljóna punda tilboði í Gittens þar sem félagið heimtar 55 milljónir fyrir hann.
Gittens verður 21 árs gamall í ágúst og kom að 17 mörkum í 48 leikjum með Dortmund á nýliðnu tímabili.
Hann á þrjú ár eftir af samningi sínum hjá Dortmund.
Athugasemdir
