Fótbolti.net

Jói Kalli: Gott að koma til baka eftir rasskellingu á móti Stjörnunni

Bjössi Hreiðars: Stóð ekkert til að fara neitt annað en FH

Matti Villa: Það var freistandi að fara í Vålerenga

Aron Bjarki: Ofboðslega spenntur að spila stórt hlutverk með ÍA

„Svo hringdi FH, mér leist vel á það og tók sénsinn"

Arnar Gunnlaugs: Alls ekki nægilega gott

Erfitt að fara eftir átján ár - „Rétta skrefið í átt að einhverju stærra"

Kristófer ætlar að skora tólf mörk á tímabilinu - „Stefni mjög hátt"

„Ekki eitthvað sem ég var að búast við þegar ég mætti út"

„Held að það myndu ekkert allir fíla það en mér finnst það æðislegt"

Munur á undirbúningi Keflavíkur og Blika - „Gaman að sjá menn grípa tækifærið"

Óskar Hrafn: Duglegur strákur og fellur strax vel inn í hópinn

Davíð á leiðinni til Kalmar - „Kominn tími á næsta skref á ferlinum"

Græddi á því að hafa verið pirraður og fúll - „Varð sætara fyrir vikið"

Ísak Snær: Óskar talar ekki um annað en að verða Íslands- og bikarmeistari

Staða Ágústs ekki nógu góð - Færir sig líklega til í Skandinavíu

Loksins að ná sér af meiðslum - „Kröfurnar eru fyrsta sætið og ekkert annað"

Tímabilið langt fram úr væntingum - „Erfitt en geggjuð upplifun"

Túfa: Minn draumur var alltaf að komast erlendis að þjálfa

„Hefur verið erfitt á tímum en aldrei verið spurning hvað ég vil gera í mínu lífi"

mið 17. nóvember 2021 13:00

@saebjornth

Sæbjörn Þór Þórbergsson Steinke

Sólon Breki: Erfið ákvörðun að taka

Það er það sem ég á eftir að sjá mest á eftir

Sólon Breki

Mynd: Fótbolti.net - Hafliði Breiðfjörð

Sólon spilaði sjö leiki í sumar. Hann spilaði 57 í næstefstu deild með Leikni og skoraði 28 mörk.

Mynd: Haukur Gunnarsson

Sólon Breki Leifsson greindi frá því með Instagram-færslu í gær að hann hefði lagt skóna á hilluna. Sólon hefur glímt við mikil meiðsli á árinu og ákvað að kalla þetta gott.

Sólon er uppalinn hjá Breiðabliki og lék með uppeldisfélaginu ásamt Vestra og Leikni á sínum ferli. Hann gekk í raðir Leiknis fyrir tímabilið 2018 og raðaði inn mörkum með liðinu í næstefstu deild.

Fótbolti.net ræddi við Sólon í dag og má sjá viðtalið í heild í spilaranum að ofan.

„Þetta er erfið ákvörðun að taka en ég hef hugsað þetta síðan um mitt sumar í ár. Ég held að þetta sé það sem sé best fyrir mig akkúrat núna. Bæði út af meiðslum og ýmsu öðru, önnur áhugamál, allskonar sem er að koma inn og spennandi verkefni sem tengjast ekki fótbolta," sagði Sólon.

Var þetta hætt að vera jafn gaman, að vera í fótbolta, og það var áður?

„Ekki í júní, júlí, ágúst og september," sagði Sólon og hló. „En undirbúningstímabilið er ekki uppáhaldið mitt, verð að viðurkenna það. Það er partur af þessu, þetta er ákvörðun sem ég tók og er sáttur við."

Voru menn að reyna sannfæra þig um að halda áfram?

„Já, auðvitað en ég fékk mikinn stuðning frá Sigga Höskulds og Hlyn (þjálfurum Leiknis) og er þakklátur fyrir það."

„Skrokkurinn á mér er fínn, ég hef reyndar ekkert látið reyna á hann síðustu tvo mánuði og það kannski sést aðeins en ég held hann sé bara í þrusu standi."

Kemur það til greina snúa aftur eftir 2-3 ár?

„Ég veit það ekki, ég er voða lítið í að útiloka eitthvað. Ég gæti alveg komið aftur í janúar en eins og staðan er núna þá er þetta bara komið gott."

Sólon segir að tímabilið 2020, þegar Leiknir fór upp úr Lengjudeildinni, sé hápunkturinn á hans ferli.

„Það gekk vel með Leikni og ég kom flott inn í þetta. Ég er búinn að vera með góða þjálfara, fengið mikið traust og spilað mikið. Síðasta tímabil var erfitt og það auðvitað spilar inn í þessa ákvörðun hjá mér. Ég er ungur og hefði mögulega getað tekið tíu ár í viðbót. Við sjáum bara hvernig þetta fer."

Þú varst fljótur að aðlagast hlutunum í Leikni, segðu aðeins frá því.

„Já, það er ekki bara mér að þakka. Það er fólkinu í kring, leikmönnum og þjálfurum, sem gerði þetta rosa auðvelt fyrir mig. Strákarnir þarna eru algjörir snillingar og það er það sem ég á eftir að sjá mest á eftir - að hitta þá ekki á hverjum degi," sagði Sólon.

Hin hliðin:
Sólon Breki Leifsson

Athugasemdir

Nýjustu fréttirnar