Spánn: Sociedad klifrar yfir Betis í Evrópubaráttunni

Mynd: EPA

Real Sociedad er komið upp í sjötta sæti spænsku deildarinnar eftir sigur í Mallorca í dag, þar sem Takefusa Kubo og Mikel Merino skoruðu mörkin eftir að heimamenn höfðu tekið forystuna snemma leiks.

Kubo jafnaði á 38. mínútu og fékk Antonio Raillo, varnarmaður Mallorca, tvö gul spjöld í uppbótartíma fyrri hálfleiks. Raillo var þar með rekinn af velli og tókst tíu heimamönnum að halda stöðunni jafnri allt þar til í uppbótartíma, þegar Merino innsiglaði sigurinn.

Sociedad er ellefu stigum frá meistaradeildarsæti eftir þennan sigur og einu stigi fyrir ofan Real Betis, sem gerði markalaust jafntefli við Alavés í kvöld.

Viðureignin var þokkalega jöfn, þar sem bæði lið spiluðu góðan varnarleik og gáfu ekki mikið af færum á sér. Heimamenn í Sevilla fengu hættulegri færi en áttu að lokum aðeins tvær tilraunir sem hæfðu markrammann, gegn fjórum frá Alaves.

Að lokum gerðu Granada og Almeria 1-1 jafntefli í botnslagnum, þar sem Almeria tók forystuna í fyrri hálfleik en heimamenn jöfnuðu í þeim síðari. Almeria er enn í leit að sínum fyrsta sigri á deildartímabilinu, þar sem liðið er aðeins með 8 stig eftir 25 umferðir.

Mallorca 1 - 2 Real Sociedad
1-0 Antonio Sanchez ('4 )
1-1 Takefusa Kubo ('38 )
1-2 Mikel Merino ('93 )
Rautt spjald: Antonio Raillo, Mallorca ('45)

Granada CF 1 - 1 Almeria
0-1 Marc Pubill Pages ('9 )
1-1 Myrto Uzuni ('75 )

Betis 0 - 0 Alaves

Mynd: EPA

Stöðutafla

#	Lið	L	mun	Stig
1	Barcelona	3	+10	9
2	Real Madrid	4	+7	9
3	Betis	4	0	9
4	Atletico Madrid	3	+4	7
5	Alaves	3	+4	7
6	Osasuna	3	+2	7
7	Sevilla	3	+1	6
8	Deportivo	3	+2	5
9	Racing Santander	3	0	4
10	Levante	3	0	4
11	Real Sociedad	4	-3	4
12	Espanyol	3	+1	3
13	Athletic	3	-2	3
14	Getafe	3	-3	3
15	Villarreal	3	-1	2
16	Celta	4	-3	2
17	Valencia	3	-3	1
18	Vallecano	3	-4	1
19	Elche	3	-6	1
20	Malaga	3	-6	1