„Mér leið vel inn á vellinum og það kom smá tilfinning þegar þjóðsöngurinn var spilaður þá fór allt að tikka inn, en annars þegar leikurinn var byrjaður þá var þetta ekkert mál," sagði Ingibjörg Sigurðardóttir varnarmaður íslenska landsliðsins eftir 1-0 tap gegn Frökkum í kvöld.
Þetta var hennar fyrsti keppnisleikur fyrir íslenska landsliðið.
Þetta var hennar fyrsti keppnisleikur fyrir íslenska landsliðið.
Lestu um leikinn: Frakkland 1 - 0 Ísland
„Mér fannst ég ná að spila minn leik og við áttum allar frekar góðan leik."
„Ég sá ekki vítið nægilega vel. Mér fannst þetta ekki víti og síðan fannst mér þetta vera víti í fyrri hálfleik þegar Fanndís fer niður í teignum. Þetta féll ekki með okkur í dag."
Ingibjörg átti eina hressilega tæklingu í upphafi seinni hálfleiks og uppskar gult spjald.
„Mér er drullu sama um þessar gellur. Ég þoli ekki svona hroka... ég nenni ekki einu sinni að segja það. Mér finnst ekkert skemmtilegra en að þagga niðrí þeim og láta aðeins finna fyrir mér," sagði Ingibjörg grjóthörð að lokum.
Viðtalið í heild sinni má sjá í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
