Brentford og Crystal Palace eigast við í fyrri leik dagsins í ensku úrvalsdeildinni og hafa byrjunarliðin verið tilkynnt. Þar er ýmislegt sem kemur á óvart.
Ivan Toney er ekki í leikmannahópi heimamanna en það hefur verið rætt mikið og ritað um framtíð hans undanfarin misseri. Óljóst er hvort hann sé meiddur eða veikur, en hann var við fulla heilsu fyrir 48 klukkustundum.
Bryan Mbeumo leiðir sóknarlínu Brentford í fjarveru Toney, með Kevin Schäde og Yoane Wissa á köntunum.
Miðvörðurinn Marc Guéhi hefur einnig verið mikið á milli tannanna á fólki síðustu vikurnar þar sem hann er gríðarlega eftirsóttur og er Newcastle United til að mynda að gera sitt besta til að festa kaup á honum.
Guéhi er þó í byrjunarliði Palace og með fyrirliðabandið í dag.
Hákon Rafn Valdimarsson er á varamannabekknum hjá Brentford.
Brentford: Flekken, Roerslev, Collins, Pinnock, Ajer, Norgaard, Janelt, Jensen, Mbuemo, Schade, Wissa.
Varamenn: Valdimarsson, Carvalho, Onyeka, Mee, Yarmolyuk, Lewis-Potter, Damsgaard, Peart-Harris, Trevitt.
Crystal Palace: Henderson; Richards, Andersen, Guehi; Munoz, Wharton, Hughes, Mitchell; Kamada, Eze; Mateta
Varamenn: Johnstone, Sarr, Lerma, Ayew, Schlupp, Clyne, Edouard, Doucoure, Riad
????"Ivan Toney trained with a big smile on his face today. He looked sharp and will be available for Sunday"
— Brentford FC (@BrentfordFC) August 16, 2024
Thomas on Ivan pic.twitter.com/JBuQcqwr5t
Athugasemdir
