Kylian Mbappe mistókst að skora í fyrsta deildarleiknum
Vedat Muriqi skoraði mark Mallorca
Stjörnum prýtt lið Real Madrid tapaði stigum í fyrsta deildarleik tímabilsins er það gerði jafntefli við Real Mallorca, 1-1, í kvöld.
Nýja 'Galacticos-liðið' var með sitt allra besta lið í kvöld. Kylian Mbappe spilaði sinn fyrsta deildarleik og fór þetta nokkuð vel af stað.
Brasilíumaðurinn Rodrygo skoraði eftir þrettán mínútur eftir glæsilega stoðsendingu frá samlanda sínu, Vinicius Junior, sem lagði hann fyrir Rodrygo með hælnum sem skoraði síðan fyrsta mark tímabilsins.
Varnarleikur Madrídinga var hins vegar ekki upp á tíu. Thibaut Courtois gerði slæm mistök í markinu undir lok fyrri hálfleiks er hann varði fyrirgjöf út á Vedat Muriqi, en Courtois bjargaði andliti með góðri vörslu.
Í byrjun síðari hálfleiks jafnaði Mallorca. Dani Rodriguez átti fyrirgjöf á kollinn á Muriqi sem skoraði.
Kylian Mbappe fékk nokkur góð færi í leiknum en Dominik Greif, markvörður Mallorca, sá við honum í öll skiptin. Undir lok leiks fékk þá franski bakvörðurinn Ferland Mendy að líta rauða spjaldið fyrir brot á Muriqi og þar við sat.
Engin draumabyrjun hjá Real Madrid, sem varð bæði Evrópu- og Spánarmeistari á síðustu leiktíð.
Rayo Vallecano vann þá óvæntan 2-1 sigur á Real Sociedad í Baskalandi. Jorge Sebastian og Sergio Camello skoruðu mörk Vallecano en það var maðurinn sem hefur verið mikið í umræðunni síðustu daga, Martin Zubimendi, sem gerði mark Sociedad undir lok leiks.
Real Sociedad 1 - 2 Rayo Vallecano
0-1 Jorge De Frutos Sebastian ('67 )
0-2 Sergio Camello ('84 )
1-2 Martin Zubimendi ('90 )
Mallorca 1 - 1 Real Madrid
0-1 Rodrygo ('13 )
1-1 Vedat Muriqi ('53 )
Rautt spjald: Ferland Mendy, Real Madrid ('90)
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 17 | 14 | 1 | 2 | 49 | 20 | +29 | 43 |
| 2 | Real Madrid | 16 | 11 | 3 | 2 | 32 | 15 | +17 | 36 |
| 3 | Villarreal | 15 | 11 | 2 | 2 | 31 | 13 | +18 | 35 |
| 4 | Atletico Madrid | 17 | 10 | 4 | 3 | 30 | 16 | +14 | 34 |
| 5 | Espanyol | 16 | 9 | 3 | 4 | 20 | 16 | +4 | 30 |
| 6 | Betis | 15 | 6 | 6 | 3 | 25 | 19 | +6 | 24 |
| 7 | Athletic | 16 | 7 | 2 | 7 | 15 | 20 | -5 | 23 |
| 8 | Getafe | 16 | 6 | 2 | 8 | 13 | 18 | -5 | 20 |
| 9 | Elche | 16 | 4 | 7 | 5 | 19 | 20 | -1 | 19 |
| 10 | Celta | 15 | 4 | 7 | 4 | 18 | 19 | -1 | 19 |
| 11 | Alaves | 15 | 5 | 3 | 7 | 13 | 15 | -2 | 18 |
| 12 | Vallecano | 15 | 4 | 5 | 6 | 13 | 16 | -3 | 17 |
| 13 | Sevilla | 15 | 5 | 2 | 8 | 20 | 24 | -4 | 17 |
| 14 | Mallorca | 16 | 4 | 5 | 7 | 18 | 23 | -5 | 17 |
| 15 | Real Sociedad | 16 | 4 | 4 | 8 | 20 | 24 | -4 | 16 |
| 16 | Osasuna | 16 | 4 | 3 | 9 | 14 | 20 | -6 | 15 |
| 17 | Valencia | 16 | 3 | 6 | 7 | 15 | 25 | -10 | 15 |
| 18 | Girona | 16 | 3 | 6 | 7 | 15 | 30 | -15 | 15 |
| 19 | Oviedo | 15 | 2 | 4 | 9 | 7 | 22 | -15 | 10 |
| 20 | Levante | 15 | 2 | 3 | 10 | 16 | 28 | -12 | 9 |
Athugasemdir
