Dortmund heldur toppsætinu í þýsku deildinni eftir tap Bayern Munchen gegn Bayer Leverkusen í dag.
Dortmund valtaði yfir Köln 6-1 í dag og þurfti Bayern því að minnsta kosti stig gegn Leverkusen í dag.
Joshua Kimmich sá til þess að Bayern var með 1-0 forystu í hálfleik en tvö víti urðu Bayern að falli í þeim síðari.
Eftir 10 mínútna leik í síðari hálfleik fékk Leverkusen vítaspyrnu þegar Benjamin Pavard steig á hælinn á Amin Adli í teignum. Exequiel Palacios steig á punktinn og skoraði.
Leverkusen fékk aðra vítaspyrnu þegar Dayot Upamecano gerðist brotlegur í teignum. Palacios steig aftur á punktinn og aftur skoraði hann og tryggði Leverkusen stigin þrjú.
Leverkusen er í 8. sæti, þremur stigum frá 6. sæti sem gefur sæti í Sambandsdeildinni. Liðið er einu stigi á undan Mainz sem gerði dramatískt jafntefli gegn Freiburg rétt í þessu.
Freiburg var yfir þegar komið var vel inn í uppbótartímann en þá skoraði Karim Onisiwo og tryggði Mainz stig. Stigið dugði Freiburg til að komast í 4. sætið, upp fyrir RB Leipzig.
Bayer 2 - 1 Bayern
0-1 Joshua Kimmich ('22 )
1-1 Exequiel Palacios ('55 , víti)
2-1 Exequiel Palacios ('73 , víti)
Mainz 1 - 1 Freiburg
0-1 Ritsu Doan ('55 )
1-1 Karim Onisiwo ('90 )
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 11 | 10 | 1 | 0 | 41 | 8 | +33 | 31 |
| 2 | RB Leipzig | 11 | 8 | 1 | 2 | 22 | 13 | +9 | 25 |
| 3 | Leverkusen | 11 | 7 | 2 | 2 | 27 | 15 | +12 | 23 |
| 4 | Dortmund | 11 | 6 | 4 | 1 | 19 | 10 | +9 | 22 |
| 5 | Stuttgart | 11 | 7 | 1 | 3 | 20 | 15 | +5 | 22 |
| 6 | Eintracht Frankfurt | 11 | 6 | 2 | 3 | 27 | 22 | +5 | 20 |
| 7 | Hoffenheim | 11 | 6 | 2 | 3 | 22 | 17 | +5 | 20 |
| 8 | Union Berlin | 11 | 4 | 3 | 4 | 14 | 17 | -3 | 15 |
| 9 | Werder | 11 | 4 | 3 | 4 | 15 | 20 | -5 | 15 |
| 10 | Köln | 11 | 4 | 2 | 5 | 20 | 19 | +1 | 14 |
| 11 | Freiburg | 11 | 3 | 4 | 4 | 15 | 20 | -5 | 13 |
| 12 | Gladbach | 11 | 3 | 3 | 5 | 16 | 19 | -3 | 12 |
| 13 | Augsburg | 11 | 3 | 1 | 7 | 15 | 24 | -9 | 10 |
| 14 | Hamburger | 11 | 2 | 3 | 6 | 9 | 17 | -8 | 9 |
| 15 | Wolfsburg | 11 | 2 | 2 | 7 | 13 | 21 | -8 | 8 |
| 16 | St. Pauli | 11 | 2 | 1 | 8 | 9 | 21 | -12 | 7 |
| 17 | Mainz | 11 | 1 | 3 | 7 | 11 | 19 | -8 | 6 |
| 18 | Heidenheim | 11 | 1 | 2 | 8 | 8 | 26 | -18 | 5 |
