19.05.22 - 12:30
Elvar Geir Magnússon
„Minnir mig á Thierry Henry"
Rafael Leao.
Mynd: EPA
Rafael Leao.
Mynd: EPA
Nuno Gomes, fyrrum sóknarmaður portúgalska landsliðsins, segir að það komi sér ekki á óvart hversu öflugur Rafael Leao hefur verið fyrir AC Milan.
Leao er markahæsti leikmaður Milan á þessu tímabili og hefur skorað gríðarlega þýðingarmikil mörk að undanförnu.
Milan er einu stigi frá því að tryggja sér Ítalíumeistaratitilinn.
Leao er markahæsti leikmaður Milan á þessu tímabili og hefur skorað gríðarlega þýðingarmikil mörk að undanförnu.
Milan er einu stigi frá því að tryggja sér Ítalíumeistaratitilinn.
„Hann hefur ekki komið mér á óvart. Ég hef þekkt hann síðan hann var fimmtán ára. Hann gerði gæfumuninn fyrir portúgölsku yngri landsliðin og ég heillaðist strax af honum." segir Nuno Gomes.
„Hann er þegar kominn í hóp með bestu leikmönnum heims í sinni stöðu. Hann minnir mig á Thierry Henry. Ég get líka nefnt Adriano vegna styrksins í vissum tilvikum og Ronaldo vegna sprengikraftsins."
Þess má geta að Stefano Pioli, þjálfari AC Milan, líkti Leao líka við Thierry Henry.
„Leao hefur tekið miklum framförum og hann getur afrekað mikið í framtíðinni. Hann getur fjölgað mörkunum ef hann spilar nær vítateig andstæðingana. Það er erfitt fyrir erlenda sóknarmenn að slá í gegn á Ítalíu en hann hefur staðist prófið. Hann getur orðið enn betri á næsta tímabili," segir Gomes.
Leao hefur skorað 14 mörk í 41 leik í öllum keppnum á þessu tímabili. Samningur hans rennur út 2024 en umboðsmaður hans, Jorge Mendes, er í viðræðum við Milan um framlengingu til 2026.
Portúgalski landsliðsmaðurinn kom til Milan frá Lille sumarið 2019. Hann lék sinn fyrsta landsleik í október og á enn eftir að skora sitt fyrsta landsliðsmark.
„Hann er þegar kominn í hóp með bestu leikmönnum heims í sinni stöðu. Hann minnir mig á Thierry Henry. Ég get líka nefnt Adriano vegna styrksins í vissum tilvikum og Ronaldo vegna sprengikraftsins."
Þess má geta að Stefano Pioli, þjálfari AC Milan, líkti Leao líka við Thierry Henry.
„Leao hefur tekið miklum framförum og hann getur afrekað mikið í framtíðinni. Hann getur fjölgað mörkunum ef hann spilar nær vítateig andstæðingana. Það er erfitt fyrir erlenda sóknarmenn að slá í gegn á Ítalíu en hann hefur staðist prófið. Hann getur orðið enn betri á næsta tímabili," segir Gomes.
Leao hefur skorað 14 mörk í 41 leik í öllum keppnum á þessu tímabili. Samningur hans rennur út 2024 en umboðsmaður hans, Jorge Mendes, er í viðræðum við Milan um framlengingu til 2026.
Portúgalski landsliðsmaðurinn kom til Milan frá Lille sumarið 2019. Hann lék sinn fyrsta landsleik í október og á enn eftir að skora sitt fyrsta landsliðsmark.
