Nikolaj Hansen, framherji Víkings, skoraði eitt og lagði upp annað í 1-2 sigri á Keflavík í kvöld.

Lestu um leikinn: Keflavík 1 -  2 Víkingur R.

„það er mjög gott að koma hingað og vinna. Fyrri hálfleikurinn var mjög erfiður, við stóðum kyrrir og mikið og þetta var smá eins og á æfingu með keilum. Við vorum ekki að gera neitt,“ sagði Hansen í viðtali eftir leik.

Aðspurður um taktískar breytingar milli hálfleikja svaraði Nikolaj,
„ég varð að fara neðar á völlinn svo að vængmennirnir fengu meira pláss hærra upp á vellinum. Ég held að varamennirnir hafi breytt leiknum fyrir okkur. Kwame gerði vel og Helgi kom inn á og skoraði. Við erum með sterkt lið.“

Kwame Quee lagði upp mark Nikolaj í kvöld. Niko var sáttur með fyrirgjöf Kwame en viðurkenndi að Kwame á það til að leika sér of mikið með boltann.
„Ég veit að þegar Kwame er kominn einn á einn þá á hann það til að gera of mikið og skera til baka of oft þannig það er erfiðara fyrir mig að tímasetja mig en fyrirgjöfin hans var fullkomin og ég þurfti bara að koma við hann til að skora,“ sagði brosandi Nikolaj Hansen.

Nikolaj er áfram markahæsti leikmaður deildarinnar eftir umferðina. Hansen viðurkenndi að hann væri kominn með hugan við gullskóinn.
„Auðvitað. Ég væri að ljúga ef ég myndi segja að ég væri ekki að hugsa um gullskóinn. 11 mörk í 13 leikjum er frekar gott. Ég verð samt bara að halda áfram og þá munu mörkin halda áfram að koma,“ sagði Nikolaj Hansen að lokum.

Viðtalið í heild má sjá í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit