Fyrra markið kom eftir sendingu Bruno Fernandes og það síðara eftir undirbúning Anthony Martial.

Gary Neville, fyrrum leikmaður Man Utd, er að störfum hjá Sky Sports í kringum leikinn og er hann eðlilega hrifinn af því sem hann hefur séð frá McTominay.

„Scott McTominay hefur skyndilega breyst í blöndu af Paul Scholes og Roy Keane," sagði Neville snemma leiks. Scholes og Keane eru tveir bestu miðjumenn í sögu Man Utd.

McTominay setti með þessu met því enginn hefur skorað tvennu á fyrstu þremur mínútunum í leik í úrvalsdeildinni fyrr en í dag á Old Trafford.