Fótbolti.net

Jón Daði: Þarf að komast í burtu frá fótbolta og hreinsa hugan

Bjarni Jó: Það kannski einkennir lið sem er að falla

Ingimar Arnar skoraði sigurmarkið: Ég man ekki einu sinni eftir þessu

Jóhann Birnir: Svekkelsi

Sigfús Fannar: Þetta mark var fyrir hana

Siggi Höskulds: Fannst við eiga skilið að vinna þessa deild

Addi Grétars: Ekki mikil fótboltaleg gæði

Aron Ingi: Það var bara eitt markmið og það var að fara beint upp

Gústi Gylfa: Úr því sem komið var var markmiðið að halda sér uppi

Aron Birkir: Ég veit ég gat ekkert í fyrra

Alli Jói: Ekki bara leikjahæsti heldur besti leikmaður í sögu Völsungs

Gunnar Már: Við förum beint upp

HK náði markmiðinu - „Voru ótrúlega sterkir í hausnum"

Hafa áhuga á að halda áfram með Grindavík - „Spennandi hópur og við Marko vinnum vel saman"

Gunnar Heiðar: Lengri leið og hún verður bara skemmtilegri fyrir vikið

Bjarki stoltur eftir síðasta leikinn sinn - „Liðið hefur aldrei verið á betri stað"

Fannar Daði: Það var ekkert planið að spila á þessu tímabili

Jóhannes Karl: Aldrei spurning í seinni hálfleik hvernig þessi leikur fari

Óskar Smári: Í dag fannst mér við gefa ódýr mörk

Jói talar um leiksýningu hjá dómurunum - „Greinilega mjög hræddir við það umtal"

mán 20. maí 2024 17:35

Guðmundur Aðalsteinn Ásgeirsson
Laugardalnum

Arnar: Einn sá besti en De Bruyne og Foden spila ekki alla leiki

Arnar Gunnlaugsson.

Mynd: Fótbolti.net - Hafliði Breiðfjörð

Víkingar unnu 1-4 og Danijel gerði tvö mörk.

Mynd: Fótbolti.net - Hafliði Breiðfjörð

Arnar Gunnlaugsson, þjálfari Víkinga, sneri aftur á hliðarlínuna þegar hans menn unnu 1-4 sigur gegn Vestra í Bestu deildinni í dag. Arnar var í banni í síðasta leik gegn FH en sneri aftur í dag.

„Það var mjög gaman. Ég lofaði mömmu að ég ætlaði að haga mér vel. Vonandi gerði ég það," sagði Arnar léttur eftir leikinn. „Svo er ég ánægður með 1-4 á útivelli. Það er alltaf hrikalega öflugt. Ég er mjög ánægður."

Lestu um leikinn: Vestri 1 - 4 Víkingur R.

Leikurinn í dag var býsna flottur hjá Víkingum heilt yfir. „Mér fannst það," sagði Arnar.

„Ef ég á að kvarta yfir einhverju þá fannst mér við ekki nægilega vægðarlausir. Við vorum komnir í ansi margar góðar stöður til að gera fleiri mörk, en við ákváðum að vera full værukærir þegar við fengum þær stöður. En að vinna 1-4 á útivelli, það er erfitt að kvarta yfir því."

Danijel Dejan Djuric kom aftur inn í lið Víkings eftir að hafa byrjað síðasta deildarleik gegn FH á bekknum. Hann kom ekkert við sögu í þeim leik en skoraði tvö í dag.

„Hann var verulega fúll með það strákurinn (að vera á bekknum gegn FH). En í staðinn fyrir að væla og skæla... hann æfir alltaf mjög vel og þetta var engin refsing. Við erum bara með mjög sterkan hóp og liðið sem spilaði gegn FH spilaði mjög vel og landaði góðum sigri. Svo kom hann aftur inn gegn Grindavík og stóð sig mjög vel þar."

„Hann er einn af markahæstu leikmönnum deildarinnar og að mínu mati búinn að vera einn sá besti í deildinni. En Kevin de Bruyne og Phil Foden spila ekki alla leiki. Það virkar ekki þannig. Stundum þarf hann að hvíla."

Breiddin hjá Víkingum er afar sterk. „Svo var Pablo á bekknum í dag. Það eru aðrir að stíga upp. Þetta er uppskriftin sem við ákváðum til að vera í möguleika á að vinna báða titla og standa okkur vel í Evrópu. Að mínu mati er þetta eina leiðin."

Hægt er að sjá allt viðtalið í spilaranum hér að ofan þar sem Arnar ræðir meira um leikinn í dag og margt fleira.