Mowbray rekinn frá West Brom

Mowbray var ráðinn til West Brom í janúar en hann var dáður af stuðningsmönnum eftir magnaðan árangur sinn með liðið þegar hann var við stjórnvölinn frá 2006 til 2009.

Hann hefur komið víða við síðan þá og starfaði síðast sem aðalþjálfari Birmingham City í fyrra en þurfti að hætta vegna krabbameinsmeðferðar.

Mowbray er rekinn beint eftir 1-3 tap á heimavelli gegn fallbaráttuliði Derby County, en West Brom sigraði aðeins fimm leiki af sautján undir hans stjórn.

West Brom var í frábærri stöðu í umspilsbaráttunni þegar Mowbray tók við en honum tókst ekki að fylgja eftir frábæru gengi Carlos Corberán, sem var ráðinn til Valencia á miðju tímabili.

Steve Cooper er talinn vera líklegasti arftakiinn en Johnny Heitinga og Will Still eru einnig líklegir.

West Brom er sex stigum frá umspilssæti þegar tvær umferðir eru eftir af tímabilinu.