Á tímapunkti leit ekki út fyrir það að Liverpool myndi spila í úrslitaleiknum en ótrúleg endurkoma gegn Barcelona á Anfield varð til þess að það mun gerast.

Liverpool tapaði fyrri leiknum gegn Barcelona 3-0 en kom til baka á Anfield og vann 4-0. Það sem meira er, þá var Liverpool án Mohamed Salah og Roberto Firmino í 4-0 sigrinum.

Alisson Becker, markvörður Liverpool, segir að endurkoma sé eitthvað sem mun lifa með honum alla ævi.

„Minningin verður með mér alla ævi. Þetta er saga sem ég mun segja börnunum mínum og barnabörnum frá," segir Alisson í samtali við heimasíðu Uefa.

„Ég vona bara að við getum klárað þessa sögu, ef guð leyfir, að ná titlinum. Það er okkar markmið."