Kevin de Bruyne.
Miðjumaðurinn Kevin de Bruyne hefur útilokað það að ganga í raðir Liverpool.
Hann mun ekki fara í annað félag í ensku úrvalsdeildinni þegar samningur hans við Manchester City rennur út.
Hann mun ekki fara í annað félag í ensku úrvalsdeildinni þegar samningur hans við Manchester City rennur út.
De Bruyne er goðsögn hjá Man City en hann mun finna sér annað félag í sumar.
Englandsmeistarar Liverpool hafa sýnt honum áhuga og hefur Mohamed Salah, stjarna liðsins, meðal annars sagt að það sé pláss fyrir De Bruyne hjá félaginu.
En næsta félag De Bruyne verður ekki á Englandi. Telegrah segir frá þessu.
Það er áhugi á hinum 33 ára gamla De Bruyne frá Napoli á Ítalíu og frá félögum á Bandaríkjunum.
De Bruyne kvaddi stuðningsmenn Man City í síðasta heimaleik sínum fyrir félagið í gær er liðið bar sigur úr býtum gegn Bournemouth.
Athugasemdir
