Spænski miðjumaðurinn Rodri kom við sögu á lokamínútunum í 3-1 sigri Manchester City gegn Bournemouth í ensku úrvalsdeildinni í kvöld.
Þetta er fyrsti keppnisleikurinn sem Rodri tekur þátt í síðan hann sleit krossband fyrir átta mánuðum síðan.
Rodri er 28 ára gamall og vann Ballon d'Or í fyrra eftir harða samkeppni frá Vinícius Júnior. Hann vann Meistaradeildina með Man City og EM með spænska landsliðinu áður en hann sleit krossband í lok september og var svo kosinn bestur í heimi.
Þetta eru frábærar fréttir fyrir Pep Guardiola og Manchester City. Rodri hefur næstu vikur til að koma sér í betra stand áður en hann fer með á HM félagsliða í sumar.
Athugasemdir
