KR fékk Stjörnuna í heimsókn á Meistaravelli í kvöld í 13.umferð Pepsí Max-deildarinnar. Liðin skildu jöfn 2-2 eftir að Hilmar Árni Halldórsson jafnaði metin á þriðju mínútu uppbótartímans.
Rúnar Kristinsson þjálfari KR sagði það svíða að fá á sig mark svona í blálokin en fannst úrslitin heilt yfir sanngjörn.


Lestu um leikinn: KR 2 -  2 Stjarnan

„Það er alltaf sárt að fá á sig mark í lok leiksins en leikurinn er náttúrulega 90 plús mínútur, við þurfum að klára svona verkefni aðeins betur. Ég held að úrslitin hafi verið ágætlega sanngjörn þrátt fyrir þetta allt. Við vorum arfaslakir í fyrri hálfleik en komum mun sterkari út í síðari hálfleikinn og uppskerum tvö góð mörk."

KR er með sjö stiga forskot á toppi deildarinnar sem getur minnkað í fjögur vinni Blikar á morgun. Rúnar er ánægður með stöðuna og segir að nú verði liðið bara að halda áfram að safna stigum.

„Mér lýst bara vel á framhaldið, við verðum bara að halda áfram að safna stigum, það er nóg eftir af þessu. Ef einhver hefði boðið mér þessa stöðu fyrir mót hefði ég tekið henni og við þurfum bara að halda áfram að berjast fyrir okkar stigum."

Tweet

Senda a Facebook Hafdu samband Senda frétt Prenta frétt Frétta leit