Grótta tók á móti HK í kvöld á Seltjarnarnesi í leik sem endaði með 1-2 útisigri HK. Danielle Marcano skoraði bæði mörk HK á meðan María Lovísa Jónasdóttir skoraði mark Gróttu í leiknum. Magnús Örn Helgason, annar þjálfara Gróttu var spurður eftir leik hvernig honum fannst frammistaðan.
„Manni líður alltaf frekar illa þegar maður tapar og sérstaklega í leikjum þar sem manni finnst að maður eigi ekki endilega að tapa, það var þannig í dag. Ég er ekki að segja að sigur HK var ósanngjarn en ef þú horfir á leikinn í heild þá áttum við góða möguleika sem að við nýttum ekki alveg. Þannig ég er frekar svekktur."
„Manni líður alltaf frekar illa þegar maður tapar og sérstaklega í leikjum þar sem manni finnst að maður eigi ekki endilega að tapa, það var þannig í dag. Ég er ekki að segja að sigur HK var ósanngjarn en ef þú horfir á leikinn í heild þá áttum við góða möguleika sem að við nýttum ekki alveg. Þannig ég er frekar svekktur."
Lestu um leikinn: Grótta 1 - 2 HK
Danielle Marcano skorar bæði sín mörk á 15. múnútu og á 18. mínútu en á fyrstu 20 mínútum leiksins gengur ekkert upp hjá Gróttustelpum. Magnús er spurður hver ástæða þess hafi verið.
„Ég er ekki með einhverja skýra ástæðu fyrir því hvað gerist en þetta gerist mjög fljótt og er í rauninni ástæðan fyrir því að við töpum leiknum. Þetta var held ég bara einhverskonar blanda af skipulagsleysi og virkilega góðum afgreiðslum frá góðum framherja HK og þær voru beittar í skyndisóknum og ég bara hrósa þeim fyrir það."
Grótta sitja í 7. sæti í Lengjudeildinni með 7 stig, jafnar HK á stigum. Þær geta með tapi í næsta leik farið í fallsæti en margir miðlar spáðu Gróttu að vera í toppbaráttu í sumar. Magnús er spurður hvort þetta slæma gengi er að hafa áhrif á hópinn.
„Já, það er alveg rétt að við lýtum á okkur sjálf sem lið sem á að geta betur en vill ekki vera í 7., 8. sæti með 7 stig. Auðvitað hefur þetta áhrif en við verðum samt aða vara okkur á að þetta hafi of mikil áhrif. Því að íþróttirnar eru þannig að það skiptast á skin og skúrir og þetta er smá mótlæti sem við erum í, smá brekka, við erum búin að grafa okkur ofan í holu. Þannig að verkefnið okkar núna er að láta þetta hafa hvetjandi áhrif á okkur. Auðvitað hefur þetta áhrif, við viljum gera betur en það þýðir ekkert að fara að grenja."
Nína Kolbrún Gylfadóttir fór mjög snemma útaf meidd í seinasta leik Gróttu gegn Haukum en Magnús var spurður hvort meiðslin séu alvarleg, ásamt því að Lilja Lív Margrétardóttir var ekki í hóp í leik kvöldins.
„Lilja Lív er á landsliðsæfingum, U16 ára landsliðið er að undirbúa sig fyrir Norðurlandamót og það hittir illa á. Nína er líklega mjög alvarlega meidd og það er ofan á slæmt úrslitagengi þá erum við núna að missa hana og Eddu í löng og alvarleg meiðsli þannig að það er líka mjög slæmt og neikvætt fyrir hópinn í heild en sem betur fer erum við með góða breidd og getum alltaf teflt fram góðu liði en það er mjög líklegt að Nína verði lengi frá."
Viðtalið í heild sinni má finna í sjónvarpinu hér að ofan
