Pétur og Eiður framlengja hjá Val

Pétur, sem er fyrrum landsliðsframherji, tók við Val eftir tímabilið 2017. Eiður var ráðinn til starfa með Pétri fyrir tímabilið í fyrra og hafa þeir unnið saman síðan.

Undir þeirra stjórn varð Valur Íslandsmeistari í fyrra en Breiðablik hafa reynst of sterkar í ár og eru með fimm stiga forystu á toppi deildarinnar.

„Það er okkur sönn ánægja að tilkynna að knattspyrnudeild Vals hefur framlengt samninga við Pétur Pétursson og Eið Ben Eiríksson um þjálfun kvennaliðsins til loka tímabilsins 2022," segir í tilkynningu frá Val.

Næsti leikur Vals er á mánudaginn gegn Þrótti.