Franska félagið Marseille er tilbúið til að selja Adrien Rabiot og Jonathan Rowe í sumar.
Rabiot var algjör lykilmaður og kom að 16 mörkum í 31 leik á síðustu leiktíð. Þessi þrítugi miðjumaður gerði þó aðeins tveggja ára samning við félagið þegar hann kom í fyrra. Hann á því eitt ár eftir og vill Marseille fá 15 milljónir evra til að selja hann í sumar.
Mörg félagslið hafa áhuga á Rabiot sem er 30 ára gamall og með 53 landsleiki að baki fyrir Frakkland. Hann getur því valið um næsta áfangastað en óljóst er hvort hann muni fara í sumar fyrir 15 milljónir eða næsta sumar á frjálsri sölu.
Marseille vill svo fá 20 milljónir fyrir kantmanninn Rowe sem kom að 7 mörkum í 30 leikjum á síðustu leiktíð. Hann er með fjögur ár eftir af samningi eftir að hafa verið keyptur úr röðum Norwich í fyrrasumar. Hann kostaði 15 milljónir í fyrra.
Bologna er í viðræðum við Marseille um kaup á Rowe sem arftaka fyrir Dan Ndoye, sem var seldur til Nottingham Forest í sumar. Félögin eru nálægt því að finna samkomulag.
Rowe er 22 ára gamall og vann EM U21 árs landsliða í sumar með Englandi.
Þeir voru báðir í byrjunarliði Marseille í 1-0 tapi gegn Rennes í fyrstu umferð á nýju deildartímabili í Frakklandi.
Athugasemdir
