Þýska félagið RB Leipzig er með enska miðjumanninn efstan á óskalista sínum skyldi Xavi Simons ganga í raðir Chelsea fyrir gluggalok.
Sky í Þýskalandi hefur áreiðanlegar heimildir fyrir því að Leipzig sé þegar búið að ná samkomulagi við Elliott, sem er á mála hjá Englandsmeisturum Liverpool.
Samkvæmt sömu heimildum mun Simons spila opnunarleik Leipzig í þýsku deildinni um helgina, sem verður hans síðasti fyrir félagið áður en hann gengur í raðir Chelsea.
Liverpool er opið fyrir því að selja hinn 22 ára gamla Elliott sem hefur átt erfitt með að vinna sér inn fast sæti í byrjunarliði enska félagsins, en hann er líklega falur fyrir 40-50 milljónir punda.
Það má vænta frekari upplýsinga um þetta mál um helgina eða í byrjun næstu viku.
Athugasemdir
