Magnús Þór Magnússon
„Bara svekkelsi að ná ekki þremur stigum. Mér fannst við vera ívið sterkari þótt þetta hafi verið svona baráttuleikur og jöfn lið en ef eitthvað var þá vorum við betri úti á velli en það dugar ekki alltaf. “Sagði Magnús Þór Magnússon fyrirliði Keflavíkur um sitt mat á leiknum eftir 1-1 jafntefli Keflavíkur gegn Fylki suður með sjó fyrr í kvöld.
Lestu um leikinn: Keflavík 1 - 1 Fylkir
Langt er liðið síðan Keflavík vann síðast leik en það var gegn Fylki í fyrstu umferð deildarinnar. Hefur gengið eitthvað sest á sálina á mönnum og valdið þeim erfiðleikum?
„Já klárlega en ég er samt ánægður með okkur. Það er auðvelt að fá mark í andlitið og detta niður og setja hausinn niður í bringu og vera litlir. En mér fannst við ekki gera það, við héldum áfram sem sýnir ákveðinn karakter og við þurfum að halda honum áfram og knýja fram sigra.“
Næst á dagskrá hjá Keflavík er heimsókn til KR á Meistaravelli. Það stóð ekki á Magnúsi þegar hann var spurður út í það verkefni.
„Við ætlum að vinna þann leik. Það er ekki flóknara en það.“
Sagði Magnús en allt viðtalið má sjá hér að ofan
Athugasemdir
