„Kaflaskipur, við skorum snemma sem svona aðeins setti Þróttarana út af laginu en þeir héldu skipulaginu sínu og skora svo gott mark og jafna og þegar þú getur farið með jafnt inní hálfleik er alltaf líf í þér en ég hefði fyrir mitt leyti viljað vera búinn að drepa þetta fyrr."
Sagði Ólafur Kristjánsson þjálfari FH aðspurður hvernig hann mæti leikinn eftir 1-2 sigur FH á Þrótti í Mjólkurbikarnum í kvöld.
Sagði Ólafur Kristjánsson þjálfari FH aðspurður hvernig hann mæti leikinn eftir 1-2 sigur FH á Þrótti í Mjólkurbikarnum í kvöld.
Lestu um leikinn: Þróttur R. 1 - 2 FH
FH gerði nokkrar breytingar á liði sínu frá sigrinum á ÍA í deildinni um liðna helgi. Er það liður í að stýra álagi á leikmenn?
„Við skiptum út einhverjum 4-5 stöðum í dag til að gefa mönnum sem hafa spilað mikið og æft mikið smá breik. Mér fannst Logi Hrafn ungur miðvörður sem kemur inn standa sig feykilega vel og Baldur Logi sem hefur ekki spilað lengi og er að koma úr krossbandameiðslum."
FH tapaði í úrslitum Mjólkurbikarsins í fyrra gegn Víkingum. Markmiðið eftir það tap hlýtur að vera skýrt að vinna bikarinn.
„Ekkert eftir að hafa tapað úrslitunum. FH fer í öll mót til að komast eins langt og hægt er. En það er ekki hægt að fara hugsa um hvað gerist í nóvember. Það er dregið á föstudaginn og það er bara næsti andstæðingur."
Eins og Ólafur minntist á lék ungur miðvörður Logi Hrafn í vörn FH í kvöld en piltur sá er fæddur 2004 og á hann framtíðina fyrir sér.
„Það er með hann eins og alla aðra. Það þarf að halda rétt á spilunum og eins og góður maður sagði stíga fast til jarðar og ekki missa sjónar á því sem þú ert að gera. En ég hef engar áhyggjur af þessum gæja. Hann er alveg pollrólegur kemur hérna inn í leikinn og spilar eins og hann hafi ekki gert annað en við þurfum að hjálpa honum og það þarf að byggja ofan á hann. "
Athugasemdir