Fótbolti.net

Jökull: Það eru ekki margir með hærra fótbolta IQ en hann

Deano eftir erfiða viku: Sest niður og sé hvað framtíðin býður upp á

Ómar Björn: Hann var frábær þjálfari, ég get þakkað honum fyrir fullt

Árni Snær: Þetta eru bara geggjaðir gæjar

Gylfi Þór: Komumst ekki ofar eins og er

Hallgrímur Jónasson: Gat ekki beðið um meira frá strákunum

Sölvi Geir: Koma norður, taka þrjú stig og drulla okkur aftur heim

„Mjög sérstakt að öll orka hafi farið í að kenna Ívari hvernig á að spila í Boganum"

Þurfti að kenna Ívari Orra regluna - „Hann breytti því bara í hálfleik sem mér fannst bara fínt"

Jóhann Birnir: Heilt yfir fannst mér við vera ofan á

Halli: Alltaf áhyggjuefni að ná ekki í sigra

Heimir Guðjóns: Ef ég vissi ástæðuna þá væri ég ríkur maður

Sigurður Bjartur: Þeir þurfa greinilega að hafa meiri trú á mér

„Eitthvað sem ég sætti mig ekki við sem þjálfari Vestra"

Alli Jói: Er ógeðslega glaður

Halli Hróðmars: Töpuðum sanngjarnt

Sandra á leið á EM: Rosa gott fyrir hausinn

Jóhann Kristinn: Formið á henni er ekkert eðlilegt

Áhyggjulaus þrátt fyrir að vera í fallsæti - „Ekki mitt að ákveða með mitt starf"

Arna Eiríks um EM hópinn: Ætla bara að vera hreinskilin, það var mjög svekkjandi

sun 25. maí 2025 01:22

Sölvi Haraldsson

Halli Hróðmars: Þetta var rautt spjald

Haraldur Árni Hróðmarsson

Mynd: Fótbolti.net - Hafliði Breiðfjörð

„Ég er svekktur með það að við komumst yfir eftir þrjár mínútur og verðum síðan alltof passívir. Þór tekur alla stjórn á leiknum og þótt þeir hafi ekki skapað sér neitt fram að fyrra markinu að þá var markið verðskuldað og svo fá þeir annað mínútu síðar. Fyrri hálfleikurinn var hörmung fyrir utan fyrstu þrjár mínúturnar.“ sagði Haraldur Árni Hróðmarsson, þjálfari Grindavíkur, eftir 4-3 sigur á Þór í dag.

Lestu um leikinn: Grindavík 3 - 4 Þór

Ef tekið er út sárabótamark Grindvíkinga spilast báðir hálfleikarnir eins þar sem Grindavík skorar mark mjög snemma en ná ekki að fylgja því eftir.

„Það er svekkjandi. Við náum ekki nógu góðum takt í sóknarleikinn síðustu tvo leiki. Náum ekki að setja of mikinn varnarfókus án þess að það bitni á sóknarleiknum. Á sama tíma og við ætlum að keyra á liðin fáum við á okkur mörk, það er ýmislegt sem ég þarf að hugsa um. Frammistaðan var ekki nógu góð, það er nokkurt ljóst. En engu að síður þurfum við ekki að fá á okkur svona mikið af mörkum. Við þurfum að verja teiginn okkar betur og fá á okkur færri fyrirgjafir.“

Hvað veldur því að Grindavík er að fá svona mikið af mörkum á sig, ungt lið og reynsluleysi?

„Það er partur af skýringunni að það vantar reynslu í mannskapinn. Það er svekkjandi að leka endalaust af mörkum en ég ætla ekki að skýla mönnum með það. Þetta er bara fótbolti. Sama þótt þú sért 17 eða fimmtugur veistu hvað þú ert að gera.“

Verður þetta það sem koma skal í leikjum Grindvíkinga í sumar? Markaveisla leik eftir leik.

„Ég vona ekki en mér finnst gaman að skora mikið. Þetta gengur ekki svona. Við getum ekki lekið tveimur til fjórum mörkum í leikjum sem við spilum, það er nokkuð ljóst. Ég ætla að gera allt sem í mínu valdi stendur til að fá á okkur færri mörk. Sóknarlega erum við skeinuhættir og skorum mikið, við þurfum að finna jafnvægið.“

Vilhelm Ottó fór í frekar harkalega tæklingu í seinni hálfleiknum og fékk gult en Grindvíkingar vildu fá annan lit á spjaldið.

„Það er bara rautt spjald. Ljót tækling og hann reyndi ekki við boltann. Ég var mjög svekktur með það. Þetta gerist engu að síður í fótbolta og við erum ekkert að svekkja okkur með það. Ég er með þunnan hóp. Ljót brot geta verið mjög dýr fyrir mig þar sem ég er ekki með endalausan bekk.“

Viðtalið við Halla Hróðmars má sjá í heild sinni í spilaranum hér að ofan.