Þórir í leik með Fram í sumar.
Framarar staðfestu á Instagram í kvöld að Þórir Guðjónsson sé hættur hjá félaginu.
Þórir sem er 32 ára gamall er uppalinn hjá Fram en hefur þó einnig spilað með Val, Breiðabliki, Fjölni og Leikni hér á landi.
Hann spilaði 18 leiki með Fram í Bestu-deildinni í sumar og skoraði eitt mark.
Hann gekk síðast í raðir Fram frá Breiðabliki fyrir tímabilið 2020 og var oftast framherji þó hann hafi fengið að spreyta sig sem miðvörður hjá liðinu.
Samningur hans við Fram rann út í lok tímabilsins og nú er ljóst að hann verður ekki endurnýjaður.
Fyrr í dag tilkynnti Fram að Rúnar Kristinsson hafi verið ráðinn þjálfari liðsins.
Athugasemdir
