Fótbolti.net

Toddi: Ef við byrjum eins og í Bakú þá eigum við góða möguleika

Brynjar Björn: Öll liðin eiga möguleika á umspilssæti

Andri Lucas: Þeir sýndu aðeins meiri lit

Kristian Hlyns: Erfitt að fá byrjunarliðssæti í þessu liði

Hákon Arnar: Geggjaður gæi og geggjaður leikmaður

Ísak Bergmann: Svo auðvelt að spila með Alberti

Jói Berg: Frábært afrek fyrir mig og mína fjölskyldu

Albert: Galið hvað ég var með stórt útisvæði til að halda partí

„Rómantíkusinn í Arnari Gunnlaugssyni“

Agla María: Eigum fullt erindi í þetta lið

Þjálfari Fortuna: Því ætla ég ekki að svara

Nik: Ég hef heyrt að hann sé hræðilegur

Karólína kenndi stuðningsmönnum Inter íslenskan frasa

Guðlaugur Victor: Megum alls ekki halda að þetta verði auðvelt

Agla María: Höfum tækifæri til þess að skrifa söguna hjá Breiðabliki

Nik: Viljum góðan leik, góða mætingu og úrslit sem setja okkur í góða stöðu fyrir seinni leikinn

Davíð Smári: Hrós fyrir mig og félagið að Eiður vilji taka þátt í þessu verkefni

Vildi vinna áfram með Davíð - „Ekkert heillaði mig jafn mikið"

Sjáðu það helsta úr spænska: Þrenna Lewandowski bjargaði Barcelona

Sjáðu það helsta úr ítalska: Albert skoraði og De Gea með furðulega tilburði

mið 26. janúar 2022 12:10

Elvar Geir Magnússon

Viggó skoraði tvö í síðasta fótboltaleik sínum 2014: Ákvað að byrja aftur í handboltanum

Viggó með landsliðinu á EM í Ungverjalandi.

Mynd: Fótbolti.net - Hafliði Breiðfjörð

Í spilaranum hér að ofan má sjá gamalt viðtal við Seltirninginn Viggó Kristjánsson, landsliðsmann í handbolta, sem tekið var eftir hans síðasta fótboltaleik á ferlinum 2014.

Viggó var tvítugur og tók þá ákvörðun að einbeita sér að handboltanum. Hann er núna atvinnumaður með Stuttgart í Þýskalandi og er í eldlínunni með íslenska handboltalandsliðinu sem hefur verið að gera frábæra hluti á EM þrátt fyrir erfiðar aðstæður.

Viggó skoraði tvö mörk fyrir uppeldisfélag sitt Gróttu gegn Aftureldingu í 2. deildinni í fótbolta í 4-1 sigri þann 13. september. Það reyndist hans síðasti fótboltaleikur.

„Ég tók ákvörðun að byrja aftur í handboltanum og fyrsti leikur þar er eftir viku. Ég get loksins farið að sleppa einhverjum fótboltaleikjum," sagði Viggó sem hjálpaði Gróttu að komast upp um deild þetta tímabil. Skoraði ellefu mörk í tuttugu leikjum.

Þess má geta að Gunnar Birgisson, sem er einn af lýsendum RÚV frá leikjum Evrópumótsins, tók viðtalið fyrir Fótbolta.net 2014.

Viggó, sem er í dag 28 ára, var á sínum tíma mikið efni bæði í fótbolta og handbolta. Hann byrjaði ungur að spila fyrir meistaraflokk Gróttu og lék átta leiki fyrir yngri landslið Íslands í fótbolta. Um tíma hætti hann í handboltanum og lék eitt tímabil í efstu deild í fótboltanum. 2013 lék hann tólf leiki fyrir Breiðablik í Pepsi deildinni.

Viggó verður í eldlínunni með handboltalandsliðinu sem mætir Svartfjallalandi klukkan 14:30 en íslenska liðið vonast til að komast í undanúrslit Evrópumótsins.