„Við erum svekkt núna að hafa tapað leiknum og þetta sannfærandi. Þær fengu góð færi í þessum leik og við sýndum þeim of mikla virðingu. Við svona hálfpartinn fórum bara óhikandi, sýndum nær okkar rétta andliti í seinni og margt mjög ánægjulegt og þá sérstaklega úr síðari hálfleiknum sem hægt er að taka og mér fannst bara óþarfi að fá svona mörg mörk á okkur og við hefðum átt að skora fleiri mörk en eitt." sagði Jóhann Kristinn Gunnarsson þjálfari Þór/KA en liðið tapaði gegn Breiðablik í úrslitaleik Lengjubikars kvenna.
Lestu um leikinn: Breiðablik 4 - 1 Þór/KA
Breiðablik leiddi inn í hálfleik en gestirnir í Þór/KA komu með mikinn kraft inn í þann síðari og minnkuðuv fljótlega muninn og síðan fékk Sandrs María dauðafæri sem hún skorar úr á eðlilegum degi en í stað refsuðu Breiðablik og silgdu sigrinum heim.
„Það er mjög margt í síðari hálfleiknum sem ég er ánægður með. Sandra María skorar úr 9 af hverjum 10 og við tókum þetta tíunda í þetta skipti. Hún skorar úr næsta svona og það munar um svona hluti auðvitað en þetta er ekkert atriði sem breytti öllum gangi leiksins, það væri mjög barnarlegt að skella skuldinni á það en við gerðum betur sem lið í seinni hálfleik og ég er mjög ánægður með það."
Jóhann Kristinn hrósaði innkomu Bríetar Fjólu en hún kom með gríðarlegan kraft inn af bekknum í kvöld.
„Ég er til dæmis mjög ánægður með innkomu hjá Bríeti Fjólu (BJarnadóttur) sem kom með kraft inn eins og stelpurnar gerðu reyndar í seinni. Stelpurnar voru ákveðnar í hálfleik að gera betur."
„Við erum gríðarlega ánægðir með þetta, við erum að fara aðeins aðra leið og við höfum verið að gera og við setjum mikið traust og mikla ábyrgð á leikmenn sem er bara eins og við köllum okkar leikmenn. Þær eru bara að stíga upp og þegar þú ert á svoleiðis verkefni þá auðvitað misstíguru þig annað slagið og stelpurnar geta ekki spilað fullkomna leiki alltaf, en ég er mjög ánægður með hópinn við treystum honum hundrað prósent til að gera góða hluti í sumar."
Fótbolti.net ræddi einnig við Söndru Maríu Jessen, fyrirliða Þór/KA en vegna tæknilegra örðuleika er ekki hægt að birta það.
