Fótbolti.net

Ali líður vel í Víkinni: Vona að ég get gefið til baka

Heimir fann lausn: Ekki gefa boltann á slæmum stöðum

Sölvi um mörkin: Þetta var góð pressa

Fékk svarið sem hann vildi fá - „Menn setjist á bekkinn og hugsi sinn gang"

Upplifði ógnvekjandi tíma í vetur - „Mjög þakklátur miðað við hvar maður var"

Æsingur eftir leik - „Illa að okkur vegið að saka okkur um að tefja"

Grímsi ósáttur að hafa verið bekkjaður - „Fáránlegt"

Ívar Ingimars: Frábært að fá þessa reynslu og máta sig við topplið í Bestu

Systurnar skoruðu báðar: Hún lætur mann stundum heyra það

Óskar Hrafn: Þegar tveir strengir slitna tekur tíma að ná aftur takti við hljómsveitina

Rúnar vildi fá víti: Dómarinn á að sjá þetta betur en ég

Jökull: Enginn fór og henti kuðung í sturtubotninn

Þorri Mar þakklátur Stjörnunni - „Sýnir að það sé ekkert okkar á milli"

Láki: Það var reiðarslag fyrir okkur

Valor fékk að velja undir lok gluggans: Gott að sjá vini mína aftur

Jón Þór: Töpum á öllum sviðum leiksins og ég á enga útskýringu á því

Sá yngsti í sögunni: Fór beint heim, hringdi í alla og lét þau vita

Birkir mjög sáttur á Hlíðarenda: Eignuðumst barn og konan vildi koma suður

Túfa: Sást í augunum á mönnum að þeir vildu svara fyrir sig

Lúkas Logi: Þetta er ekkert flókið

sun 28. júlí 2024 22:50

Sölvi Haraldsson

Ómar Ingi: Þurfum klárlega að skoða markaðinn þar

Ætlar að skoða markmannsmarkaðinn.

Mynd: Fótbolti.net - Hafliði Breiðfjörð

„Ég er hundsvekktur að fara með 3-1 undir í hálfleik. Það er eins og þessi tvö atvik undir lok fyrri hálfleiks hafi slegið svolítið vindinn úr okkur.“ sagði Ómar Ingi, þjálfari HK, eftir 5-1 tap gegn Víkingi Reykjavík.

Lestu um leikinn: Víkingur R. 5 - 1 HK

Ómar Ingi var mjög ósáttur með seinustu 5 mínúturnar í fyrri hálfleiknum.

„Við hefðum getað komist áður en þeir skora en svörum vel þegar þeir komast yfir. En við gerum of mikið af einföldum mistökum í leiknum. Þú þarft að eiga nánast mistakalausan leik gegn Víking. Ég er svekktur með seinustu 5 mínúturnar í fyrri hálfleiknum og sérstaklega þriðja markið. Það var smá klaufagangur.“

Arnþór Ari hefði getað minnkað muninn í 3-2 í dag en klúðraði. Ómar Ingi telur að ef það hefði farið inn hefði þetta verið allt annar leikur.

„Við erum 3-1 undir og pínu slegnir eftir seinustu 5 mínuturnar í fyrri hálfleiknum. Við fáum samt hörkutækifæri eftir pressuna okkar þar sem Arnþór fær boltann í vítateignum. Ef við hefðum minnkað muninn í 3-2 held ég að við gætum náð í kraft þar sem eftir var af seinni hálfleiknum. Ef við nýtum það ekki og náum ekki að bera meiri ábyrgð en við gerðum inni í vítateig þá vinnur maður ekki Víking.“

Ómar segir komandi leiki og verkefni vera krefjandi.

„Við viljum vera með meiri stig, eins og kannski öll lið í deildinni. Við erum með þau stig sem við erum með og þurfum að ná í þau stig sem eru í boði. Það verður erfitt allir leikirnir sem eru eftir eru hörkuerfiðir. Við þurfum allir að leggjast á eitt og gera vel í þeim leikjum.“

Arnar Freyr, aðalmarkmaður HK, meiddist illa í seinasta leik gegn Vestra en Stefán Stefánsson spilaði í mari HK í dag.

„Stefán byrjaði vel, hann er að byrja fyrsta sinn í meistaraflokki, hann hefur tvisvar tekið korter, eitt í fyrra og eitt núna þegar Arnar meiðist. Það var nóg að og varði heilan helling, sumt bara mjög vel. Hann gerði vel og á hrós skilið fyrir margt sem hann gerði í leiknum.“

En ætla HK-ingar að nota Stefán sem aðalmarkmann út tímabilið?

„Það er ekkert leyndarmál að við erum að skoða stöðuna. Það var aldrei planið hjá mér og Beiti að hann myndi vera heilt tímabil eða hálft tímabil hjá okkur þegar við gerum þessi félagsskipti í vor. Við teljum okkur klárlega þurfa að skoða markaðinn þar.“