Maður vissi ekki hvernig þetta myndi fara allt saman. Erum búnir að æfa mjög og síðasta vika var frábær. Þetta voru svona lotur, við héldum að við værum að fara að spila við Val og svo var leiknum frestað sagði kampakátur Rúnar Kristinsson þjálfari Fram eftir stórgóðan sigur sinna manna á Val 4 - 1 í lokaleik 15. umferðar Bestu deildar karla en leikurinn átti upprunalega að fara fram á síðastliðinn mánudag.
Lestu um leikinn: Fram 4 - 1 Valur
Við vorum ofboðslega ferskir, sérstaklega í fyrri hálfleik. Nýttum vindinn vel og refsuðum á réttum augnablikum og stálum boltanum hátt af þeim einstaka sinnum sem skóp þennan sigur.
Við vorum stálheppnir í seinni hálfleik og Ólafur Íshólm var frábær og menn hentu sér fyrir allt og Óli varði allt það sem kom á markið og gerði ofboðslega vel.
Það er eins og þessi leiðinlega lumma, næsti leikur. Auðvitað kítlar það alla að reyna að berjast og það er yfirlýst markmið hjá okkur að reyna að vera í baráttunni um topp 6 eins lengi og hægt er og við erum þar ennþá og við ætlum að reyna að vera það áfram og gefa sjálfum okkur möguleika að taka þátt í þeirri úrslitakeppnni.
Nánar er rætt við Rúnar í viðtalinu hér að ofan og þar ræðir hann m.a. mögulega styrkingu inn í hópinn með Hollenskum sóknarmanni.
