Fati er yngsti leikmaður sögunnar sem hefur skorað í Meistaradeildinni og sá yngsti sem hefur skorað fyrir Barcelona. Koeman segir þó að hann muni þurfa tíma til þess að þróa sinn leik á komandi árum.

Fati skoraði tvennu í sigri Barcelona á Villareal um síðustu helgi en þetta var fyrsti leikur Börsunga á tímabilinu.

„Ansu er ungur leikmaður og við bíðum eftir stöðugleika í spilamennsku hans," sagði Koeman.

„Hann á bjarta framtíð fyrir höndum og ég var sáttur með hann í leiknum gegn Villareal. Hann hefur bætt sig mikið og við höfum grætt á því. Við erum bjartsýnir á að hann haldi áfram að þróa leik sinn."

Fati verður í treyju númer 22 hjá Barcelona á þessari leiktíð.