Snjókoman á Bretlandseyjum hefur sett svip sinn á leikina í dag eins og má sjá hér á myndinni til hliðar.

Á Etihad vellinum í Manchester áttust við Manchester City og West Ham. City sótti meira og skapaði sér nokkur fín færi áður en Ilkay Gundogan kom liðinu í forystu með skoti af stuttu færi á 33. mínútu.

Smá töf var í hálfleik en moka þurfti mikinn snjó af vellinum í hálfleik og það tók rúmar tuttugu mínútur.

City bætti við einu marki undir lok leiks. Fernandinho, sem var nýkominn inn á sem varamaður fyrir Raheem Sterling, kláraði þá færið sitt einstaklega vel eftir sendingu frá Gabriel Jesus.

West Ham náði að minnka muninn á síðustu mínútu uppbótartímans. Þá skoraði Manuel Lanzini stórkostlegt mark. Lokatölur 2-1.

Á King Power vellinum var einnig mikil snjókoma þegar Leicester og Watford mættust. Það var líka mikið af mörkum en heimamenn unnu góðan 4-2 sigur þar sem Jamie Vardy setti tvennu fyrir Leicester.

Þá vann Brentford fínan sigur á Everton en það var Ivan Toney sem skoraði úr vítaspyrnu í fyrri hálfleiknum eftir klaufalegt brot hjá Andros Townsend.

Leicester City 4 - 2 Watford
1-0 James Maddison ('16 )
1-1 Joshua King ('30 , víti)
2-1 Jamie Vardy ('34 )
3-1 Jamie Vardy ('42 )
3-2 Emmanuel Dennis ('61 )
4-2 Ademola Lookman ('68 )

Manchester City 2 - 1 West Ham
1-0 Ilkay Gundogan ('33 )
2-0 Fernandinho ('90)
2-1 Lanzini ('90)

Brentford 1 - 0 Everton
1-0 Ivan Toney ('24 , víti