„Súr, mér fannst frammistaðan að mörgu leiti mjög góð, og fyrsti hálftíminn var mögulega besti kaflinn okkar í sumar. Áttum að mínu mati að komast yfir áður en þeir komast yfir þannig þetta er mjög svekkjandi niðurstaða,'' segir Magnús Már Einarsson, þjálfari Afturelding, eftir 0-2 tap gegn Val í 9. umferð Bestu deildarinnar.
Lestu um leikinn: Afturelding 0 - 2 Valur
„Ég er ánægður með strákana og ánægður með karakterinn og trúna. Við héldum áfram allan tímann, við vorum að reyna og ég er ánægður með það. Við þurfum bara að laga nokkra hluti og fínpússa. Það er þó ekki mikið og mér fannst frammistaðan að mörgu leyti mjög góð og við hefðum á öðrum degi fengið meira út úr þessu en í dag,''
Afturelding lenti undir eftir umræðu miklan vítadóm. Hvernig fannst þér þessi dómar hjá Helga?
„Hárréttur, en það er fullt af öðrum dómum sem eru inn í vítateig hinu megin sem sérfræðingar mega skoða. Ég er örugglega of litaður til að taka ákvarðanirnar þar en við vildum fá víti á einhverjum tímapunkti,''
Arnór Gauti hefur ekki spilað fyrir Afturelding síðan 4. umferð. Hvernig er staðan á Arnóri Gauta?
„Hann er allur að koma til. Hann er búinn að vera tæpur í nokkrar vikur en byrjaður að æfa og mjög stutt í að hann verður tilbúinn aftur.''
Afturelding var að tapa sinn fyrsta heimaleik á tímabilinu.
„Við erum búnir að standa okkur frábærlega hingað til og frábær stuðningur í stúkunni, frábær stemning eins og vanalega og bara leiðinlegt að gefa ekki fólkinu betri úrslit,''
Hægt er að horfa á viðtalið í heild sinni fyrir ofan.
