"Ég hefði ekki verið ánægður með stig fyrirfram en eins og fyrri hálfleikurinn spilaðist hefði ég tekið því í hálfleik," sagði Hallgrímur Jónasson, þjálfari KA, eftir 2-2 jafntefli gegn KR í kvöld.
Lestu um leikinn: KR 2 - 2 KA
"Svo allt í einu erum við 2-1 yfir og búnir að skalla í slá en svona er þetta bara. Því miður skorar KR í lokin og við tökum eitt stig. Ætli ég verði ekki aðeins ánægðari með það eftir nokkra daga en ég er núna."
Hvað skýrir muninn á frammistöðu liðsins í fyrri og seinni hálfleik? "Við bara mættum ekki með rétta hugarfarið í fyrri hálfleikinn og það var ekki KA sæmandi. Ég gerði mönnum það ljóst í hálfleik að ég væri himinlifandi að vera bara að tapa 1-0 því við áttum ekkert skilið."
Seinni hálfleikurinn var allt öðruvísi. Við förum héðan með eitt stig og verðum að taka því. "
Viðar Örn Kjartansson skoraði langþráð mark í kvöld og þjálfarinn var ánægður með sinn mann. "Jú þetta var flott mark. Hann er búinn að vera vaxandi undanfarið en sömuleiðis óheppinn. Nú kom þetta og það er gott fyrir okkur og léttir fyrir hann. "
Þá segir Haddi ekkert að frétta af félagaskiptamálum. "Nei ekki eins og staðan er. Við erum alltaf með opin augun en núna er ekkert að gerast."
