,,Eins og leikurinn kláraðist þá get ég ekki annað en tekið punktinn fagnandi. Við lendum undir á 87. mínútu og jöfnum á 90, þannig að ég er mjög sáttur með það,'' segir Aðalsteinn Jóhann Friðriksson, þjálfari Völsung, eftir 1-1 jafntefli gegn Fjölni í 15. umferð Lengjudeildarinnar.
Lestu um leikinn: Fjölnir 1 - 1 Völsungur
„Mér fannst við ekki nógu góðir í fyrri hálfleik. Fjölnir voru betri aðillin og mér fannst við koma sterkari inn í seinni hálfleikinn og svo fer þetta að jafnast þegar fer að lýða á. Svo virðist þetta vera fjara út þegar þeir fá víti og þá var mjög gott að koma til baka,''
Jens, dómari leiksins, hafði í nógu að snúast í lokamínútunum þegar hann dæmdi tvær vítaspyrnur með um það bil tveggja mínútna millibili.
„Bara hárréttur held ég. Þeirra maður gerir árás utan að og okkar maður fellur aðeins í gildruna og hitt skiptið þá er aðeins of aggresívur varnarmaður sem sparkar aftan í leikmann hjá okkur,''
Leikurinn virtist stefna í markalaust jafntefli, en vítaspyrnudómar breyttu því.
„Þegar leikurinn er að nálgast 90 þá er hann að fjara út stefnir í markalaust jafntefli. En þá kemur þetta til að krydda leikinn aðeins, þá kemur stuð og stemning í restina. Mögulega ekki skemmtilegur leikur fyrir hlutlausan,''
Alli verður áfram í bænum þar sem hann er einnig aðalþjálfari kvennaliðs Völsungs, en liðið mætir Fjölni á sama velli á morgun.
„Það er leikurinn hér á morgun á sama tíma og sama velli. Topp slagur og stelpurnar þurfa að gíra sér í það. Ég fæ að sleppa við ferðalagið og gisti hérna í nótt,''
Hægt er að horfa á viðtalið í heild sinni fyrir ofan.
