Vill að Willum fái eilífðarsamning eftir frábæra byrjun

Willum Þór Willumsson hefur farið mjög vel af stað með liði Birmingham á Englandi. Willum var keyptur frá Go Ahead Eagles og á að vera eitt af púslunum sem á að hjálpa liðinu upp um deild í vetur.

Willum er 26 ára sóknarsinnaður miðjumaður sem skrifaði undir samning fram á sumarið 2028 þegar hann gekk í raðir Birmingham. Félagið ætlar sé upp úr C-deildinni í vetur og ætlar sér að gera alvöru hluti í Championship deildinni á næstu árum.

Hann hefur komið við sögu í 14 leikjum með Birmingham á tímabilinu, byrjað tólf leiki í öllum keppnum og komið með beinum hættum að tíu mörkum; skorað fjögur mörk og lagt upp sex.

Hann lék sinn fyrsta leik í neðri deilda bikarnum á þriðjudag, lék fyrsta klukkutímann í stórsigri gegn U21 liði Fulham og lagði upp þrjú mörk. Birmingham er á toppnum í deildinni og er komið í 32-liða úrslitin í neðri deilda bikarnum.

Stuðningsmenn Birmingham eru mjög ánægðir með Willum og einn ofurstuðningsmaður Willums vill sjá Birmingham gera eilífðarsamning við íslenska landsliðsmanninn.