FH sigraði KA í Kaplakrika í kvöld 3-1 í 4.umferð Pepsí-deildar karla. Ólafur Kristjánsson þjálfari liðsins var ánægður með spilamennsku síns liðs við erfiðar aðstæður.
Lestu um leikinn: FH 3 - 1 KA
„Við spilum leikinn ef hann er settur á en það voru alveg góð rök fyrir að hann yrði spilaður á morgun en við fókuseruðum bara á að spila boltanum á jörðinni og úrslitin voru mjög sanngjörn."
Jónatan Ingi og Atli Guðnason byrjuðu inná í stað Geoffrey Castillion og Kristins Steindórssonar, Óli sagði það taktíska breytingu.
„Með Guðmann og Hallgrím sem er eitt sterkasta miðvarðarpar í deildinni vildum við fara með leikmenn með hraða á þá frekar en líkamlega sterka."
Rennacio Clarke er kominn með leikheimild en hefur ekki verið í leikmannahóp FH í þessum tveim leikjum síðan hann kom. Eddie Gomes var hins vegar í leikmannahópi FH í dag í fyrsta skipti og spilaði síðustu 10 mínúturnar. Óli sagði að Clarke væri væntanlegur til landsins á morgun.
„Hann spilaði síðustu 10 og er bara allur að koma, hann er nú ekki í 90 mínutna formi en hægt og bítandi kemst hann í form. Clarke kemur til landsins á morgun og kemur á æfingu í hádeginu."
Athugasemdir