Portúgalski bakvörðurinn Diogo Dalot segist ekki hugsa um annað en að ná Meistaradeildarsæti með Manchester United á þessu tímabili.

Hinn 19 ára gamli Dalot byrjaði sinn fyrsta leik í ensku úrvalsdeildinni í 2-2 jafntefli gegn Arsenal í gær. United er í áttunda sæti eftir leikinn, átta stigum frá fjórða sætinu, en Dalot er ennþá bjartsýnn á að ná Meistaradeildarsæti.

„Við förum að sofa hugsandi um það að komast í topp fjóra og við vöknum hugsandi um það að komast í topp fjóra. Við munum klárlega ná þangað. Það er okkar aðalmarkmið núna," sagði Dalot.

„Við þurfum að bæta okkur sem lið í hverjum einasta leik. Liðsandinn og baráttuandinn er þarna og við munum ná þessu."

„Við þurfum stig til að klifra upp töfluna. Það er stór leikur framundan gegn Fulham. Eitt af því sem ég hef tekið eftir á Englandi er að það er enginn auðveldur leikur. Það er enginn leikur þar sem þú getur slakað á."

„Við erum að bæta okkur og erum að berjast til að ná úrslitum. Við erum að verða betri og betri."

Tweet

Senda a Facebook Hafdu samband Senda frétt Prenta frétt Frétta leit