| lau 12. október 2019 14:59 |
|
Svíþjóð: Ingibjörg hélt hreinu í gífurlega mikilvægum sigri
Ingibjörg í landsliðsverkefni í september.
Djurgarden tók á móti botnliði sænsku kvenna Allsvenskan í dag. Djurgarden er í mikill fallbaráttu og var fyrir leikinn fjórum stigum frá öruggu sæti.
Djurgarden skoraði öll þrjú mörk leiksins í seinni hálfleik og er nú stigi frá öruggu sæti en Bunkeflo, sem situr í því sæti, á leik til góða.
Ingibjörg Sigurðardóttir lék allan leikinn í vörn Djurgarden. Guðrún Arnardóttir var allan tímann á varamannabekknum.
Guðbjörg Gunnarsdóttir er einnig á mála hjá Djurgarden en hún á von á tvíburum og var því eðlilega ekki með í dag.
Athugasemdir
Nýjustu fréttirnar
