3-3 jafnteflisleikur Fylkis og KR var ansi kaflaskiptur. Rúnar Kristinsson, þjálfari KR, var spurður að því eftir leikinn hvort hann væri ánægður með stigið?
„Já ég held að þetta hafi verið sanngjarnt jafntefli. Þetta var mjög kaflaskipt," sagði Rúnar sem var þó ósáttur við að sínir menn hafi hleypt Fylki inn í leikinn eftir að hafa verið með stjórnina.
„Já ég held að þetta hafi verið sanngjarnt jafntefli. Þetta var mjög kaflaskipt," sagði Rúnar sem var þó ósáttur við að sínir menn hafi hleypt Fylki inn í leikinn eftir að hafa verið með stjórnina.
Lestu um leikinn: Fylkir 3 - 3 KR
Aron Snær Friðriksson var aftur í markinu. Er hann orðinn aðalmarkvörður KR?
„Maður gefur það aldrei upp. Simen er og hefur verið númer eitt. Aron stóð sig vel síðast, hélt hreinu og við ákváðum að gefa honum annan leik. Við erum með tvo mjög góða markmenn og það er samkeppni á milli þeirra. Ég sem þjálfari vill ekki vera að skipta alltaf um markvörð. Simen fór í smá frí og Aron fékk tækifæri og spilaði vel. Hann spilaði aftur í dag en sjáum hvað gerist í næsta leik."
Viðtalið má sjá í heild í sjónvarpinu hér að ofan en Rúnar ræðir þar meðal annars um 3-4-3 leikkerfi KR.
Athugasemdir
