Erlend Vågane, formaður stuðningsmannaklúbbs Brann.
Freyr Alexandersson, þjálfari Brann.
Núna klukkan 15:00 hefst leikur Brann og Kristiansund í norsku úrvalsdeildinni. Þetta er mikilvægur leikur fyrir Íslendingalið Brann í toppbaráttunni.
Fótbolti.net er í Bergen og ræddi fyrir leikinn við formann stuðningsmannaklúbbs, Brann, Erlend Vågane, um stöðu mála. Hann segir Frey Alexandersson, þjálfara liðsins, vinsælan á meðal stuðningsmanna félagsins.
Fótbolti.net er í Bergen og ræddi fyrir leikinn við formann stuðningsmannaklúbbs, Brann, Erlend Vågane, um stöðu mála. Hann segir Frey Alexandersson, þjálfara liðsins, vinsælan á meðal stuðningsmanna félagsins.
„Hvað varðar samskipti og hvernig hann talar til fjölmiðla og stuðningsmanna, þá er það fullkomið," segir Vågane við Fótbolta.net.
„Ég held að mikið af fólki hafi orðið skotið í honum þegar hann talaði fyrst við fjölmiðla. Hann kom frábærlega fyrir og er frábær í samskiptum. Að lokum verður hann dæmdur af úrslitum og hvernig hann spilar. Það hefur líka verið gott, en það er möguleiki til að gera meira. Heilt yfir hefur þetta verið mjög gott og flestir kunna mjög vel við Frey."
Það er alltaf draumurinn fyrir stuðningsmenn Brann, sem margir hverjir gjörsamlega brenna fyrir félagið, að gullið komið komi heim og Freyr er vonandi þjálfarinn sem gerir það. Síðast varð Brann norskur meistari árið 2007.
„Við erum stærsta félagið í Noregi í dag hvað varðar stuðningsmenn og áhuga, en við höfum ekki unnið mikið. Við unnum síðast 2007 og þar áður liðu 44 ár á milli. Við erum ekki vön því að vinna en það er alltaf draumurinn," sagði Vågane og bætti svo við síðar í viðtalinu:
„Ég held að flestir elski Frey og þrái það að hann nái góðum árangri. Að vinna með þjálfara eins og Frey væri draumur."
Allt viðtalið má sjá í spilaranum hér að ofan
Athugasemdir
