Lestu um leikinn: KA 0 -  0 Breiðablik

„Eins og leikurinn þróaðist hefðum við getað fengið öll stigin, einum fleiri í 40 mínútur. Við hefðum getað skapað fleiri færi en KA-menn gerðu vel, unnu vel saman og markvörðurinn þeirra átti frábæran leik," sagði Ágúst Gylfason, þjálfari Breiðabliks.

„Það var erfitt að sækja á þétta KA-mennina. Það var erfitt að komast í gegnum þá og þeir sýndu mikinn karakter manni færri. Þeir eiga hrós skilið."

Oliver Sigurjónsson var ekki með Blikum í dag vegna meiðsla. Ágúst segir að meiðsli hans séu minniháttar og vonast til að hann spili næsta leik.

Sjáðu viðtalið í heild í sjónvarpinu hér að ofan en beðist er velvirðingar á döprum hljóðgæðum.